தெளிவான நெறிகாட்டல்; அரவணைப்பு
திறமை கண்டு ஊக்குவிக்கும் தலைமைப்பண்பு
கனிவான நல்பேச்சு; சொல்லில் நேர்மை
கடமையினை கண்டிப்புடன் நடத்தும் பாங்கு;
செறிவான தொலை நோக்குச்சிந்தையாலே
சிறந்ததையே குறிக்கோளாய் எண்ணும் மாந்தர் ;
அறிவார்ந்த நகைச்சுவையில் நளினம் மிக்கார்;
அரியதொரு நல்தலைவர் ; நம் டேவிட்சன்...!
நல்லதொரு பணி முடிக்க தளங்கள் தந்து
நாளும் என்னை ஊக்குவிக்கும் நல்ல உள்ளம்
அல்லவற்றை இடித்துரைத்துத்திருத்தம் செய்து
அடுத்த செயல் தொடர்ந்திருக்க அறிவுரைத்து
நல்லவற்றை மட்டும் மனத்திருத்தி வைக்கும்
நல்மனிதர் பிரிகின்றார் நாமென் செய்வோம்.!
வெள்ளமற்ற நீர் நிலைபோல் வெறுமையோடு
விடையனுப்ப மனமில்லாது வாழ்த்துகின்றேன்..!
No comments:
Post a Comment